點解印刷 Bitmap 圖稿需要用 300 DPI？

admin — Tue, 21 Apr 2026 04:28:11 +0000

咩係 DPI？以及 Bitmap 同 Vector 嘅區別？

DPI（Dots Per Inch每英寸點數） / PPI（Pixels Per Inch每英寸像素數）其實都係類似既野黎, 但 PPI 如做圖沒關, 所以我們只說 DPI。

Dots Per Inch 每英寸點數

定義：每英寸長度內有多少個墨點 (相對於電腦屏幕上設計軟件的定義, Zoom 100% 時,每英寸長度內有多少個像素, [注意: 以 1080p FullHD 解析度為準, 因為 2k 4k 屏又不一樣的])

應用：主要用於印刷輸出

特點：描述印刷設備的噴墨密度

印刷標準：300 DPI = 每英寸 300 個墨點 (但 1080p 屏幕標準：72 DPI = 每 inch 有 72 個像素 )

Bitmap 同 Vector 嘅根本區別 ?

Bitmap (點陣圖) 係由像素（Pixel）[通常是 jpg檔, png 檔, Photoshop psd 檔]組成，每個像素都有固定顏色, 在電腦屏幕上zoom超過100%+會變濛的。

Vector (向量圖) 本身就是用數學公式計算出來的, [通常是 illustrator ai 檔] , 在電腦屏幕上zoom超過100%+ 都係清晰(因為圖線邊緣, 本來就是會以數學公式計算出來的圖像)。

由於 Vector (向量圖) 放多大都會清晰的, Vector (向量圖) 是沒有 dpi 既概念的, 但 Vector (向量圖) 應用跟 Bitmap 不同, 不能應用於攝影出來的實景圖像, 一般只用於繪畫出來的插圖(色彩比較簡單)。

點解印刷需要 300 DPI？科學依據：人眼視覺極限。

300 DPI（左）vs 72 DPI（右）印刷效果對比
可以清楚見到低解析度嘅顆粒感同模糊

人眼辨識極限喺正常閱讀距離（約 25-30cm）下，人眼嘅視覺辨識極限大約就係 300 DPI。

低於 300 DPI：人眼可以分辨出個別網點或像素，會看到顆粒感同鋸齒狀邊緣

300 DPI：大腦會將密集嘅網點視為連續色彩同平滑線條，視覺上最舒適

高於 300 DPI：雖然可以提升品質，但肉眼幾乎分辨唔出差異，且會大幅增加檔案大小

點解唔係 200 或 400 DPI？
300 DPI 係一個「完美臨界點」——低於 300 會被眼睇出破綻，高於 300 品質提升有限但成本大增。所以 300 DPI 係平衡視覺品質同工藝成本嘅最佳選擇。

The post 點解印刷 Bitmap 圖稿需要用 300 DPI？ appeared first on Vprint 香港網上數碼噴畫印刷公司.

印刷用的 CMYK 色彩同屏幕 RGB 色彩的關係

admin — Mon, 10 Jan 2022 18:52:49 +0000

對於想上網印嘢嘅新手，好多時佢哋會直接 upload 咗 RGB 嘅 JPG 圖片。尺寸比例啱晒，以為萬無一失。點知印出嚟之後，顏色同喺電腦屏幕見到嘅差天共地——鮮紅變咗暗紅，螢光綠變咗泥黃。
新手初哥唔清楚因由，第一時間就鬧印刷公司『唔專業』、『印到成個老翻咁』。但其實，問題往往出喺自己個檔案身上。

想搞清楚呢件事，首先要明白一個基本知識：屏幕同紙張，本質上係兩種完全唔同嘅『畫布』。

色彩模式	原理	比喻
RGB	屏幕自己發光，顏色越加越光	似開緊三盞燈（紅、綠、藍），調亮就變白
CMYK	紙張反光，顏色越疊越暗	似喺白紙上逐層蓋油墨，蓋得多就變深

簡單嚟講，屏幕用的 RGB色彩係『做加法』——顏色加埋會變白；印刷用的 CMYK 色彩係『做減法』——顏色加埋會變黑。

屏幕由黑屏到發光至全白可以顯示到 1670 萬種顏色，但印刷機用 CMYK 油墨，能夠重現嘅顏色範圍（叫『色域』）細好多。

尤其係螢光色、金屬色、極鮮艷嘅顏色，屏幕可以睇到，但印唔到的——呢啲叫做『超出色域』。

如果想印嘢，記住一個貼士：

印刷用既圖片轉做 CMYK 模式（Photoshop / Illustrator 都有得揀），轉好先提交俾印刷公司打印，如果唔識，好既印刷公司，例如我地Vprint，會為客將 RGB 轉成 CMYK，但客人需要自行負責超出色域帶來色彩損耗。