印刷用的 CMYK 色彩同屏幕 RGB 色彩的關係

對於想上網印嘢嘅新手，好多時佢哋會直接 upload 咗 RGB 嘅 JPG 圖片。尺寸比例啱晒，以為萬無一失。點知印出嚟之後，顏色同喺電腦屏幕見到嘅差天共地——鮮紅變咗暗紅，螢光綠變咗泥黃。
新手初哥唔清楚因由，第一時間就鬧印刷公司『唔專業』、『印到成個老翻咁』。但其實，問題往往出喺自己個檔案身上。

想搞清楚呢件事，首先要明白一個基本知識：屏幕同紙張，本質上係兩種完全唔同嘅『畫布』。

 

 

色彩模式	原理	比喻
RGB	屏幕自己發光，顏色越加越光	似開緊三盞燈（紅、綠、藍），調亮就變白
CMYK	紙張反光，顏色越疊越暗	似喺白紙上逐層蓋油墨，蓋得多就變深

簡單嚟講，屏幕用的 RGB色彩 係『做加法』——顏色加埋會變白；印刷用的 CMYK 色彩係『做減法』——顏色加埋會變黑。

 

屏幕由黑屏到發光至全白可以顯示到 1670 萬種顏色，但印刷機用 CMYK 油墨，能夠重現嘅顏色範圍（叫『色域』）細好多。

尤其係螢光色、金屬色、極鮮艷嘅顏色，屏幕可以睇到，但印唔到的——呢啲叫做『超出色域』。

 

如果想印嘢，記住一個貼士：
印刷用既圖片轉做 CMYK 模式（Photoshop / Illustrator 都有得揀），轉好先提交俾印刷公司打印，如果唔識，好既印刷公司，例如我地Vprint，會為客將 RGB 轉成 CMYK，但客人需要自行負責超出色域帶來色彩損耗。